azterketa "Rincón del ordenador" liburuari buruzko hausnarketa

Rocío Romeroren "El rincón del ordenador" liburuari kritika bat egin (adibidez zer da gehien gustatu zaizuna eta zergatik, zer da gutxien gustatu zaizuena eta zergatik). Ze esperientzia alternatiboak edo kontrakoak ezagutzen dituzu eta ze alde onak dituzte.

            Liburua berez, nahiko egokia iruditu zait. Ez du teoria pisutsuetan gehiegi sakontzen eta gelako dinamikari erreparatzen dio batez ere. Beraz, ordenagailuak gelan txertatu nahi dituzten irakasleentzat, nahiko baliabide baliotsua dela uste dut. Gainera, adibide ugari eskaintzen du. Liburuan hainbat web-orri interesgarri ere proposatzen da, informazio-iturriak zabaldu ahal izateko.

            Informazioa hain modu sinplean aurkezteak, badu alde negatiborik ere. Informatikan sekula aritu ez diren irakasleentzat, eta ez dira gutxi, sinpleegia izan daiteke. Oinarrizko formazioa ezinbestekoa da, gelako dinamika hauek landu ahal izateko eta horretarako, lehendabizi, beste mota bateko liburuak erabiliko ditugu. Irakasleak, oinarrizko jakintza behar du, baita konfiantza ere. Gelan landuko ditugun programak ezberdinak izango dira eta beraz, beharrezkoa zaie irakasleei konfiantza-maila nahikoa lortzea programa berri bat eskuratu eta lantzen hasten direnean.

            Liburuaren proposamen didaktikoari dagokionez, ordenagailuak txokoetan antolatzeko ideia nagusi da, bertan. Txokoak asko lantzen dira eskoletan, eta alde on nabariak dituzte. Haurrei askatasuna eskaintzen die, aldi bakoitzean nahiago duten jarduera lantzeko (bakarkakoa, zein taldekoa). Autonomia lantzen da, izan ere, haurrak erabakitzen du landu nahi duena. Gainera, txokoak baliabide oso aberasgarriez hornituak izaten dira. Haurren ezagupenaren erakuntzan, parte-hartze aktiboa bultzatzen dute. Baliabideak hobeto antolatzeko aukera ematen digute, eskaintza ere handituz. Ezinbestekoa da, txokoak haurren interes eta beharren arabera diseinatu eta berritzea.

            Haurrek proiektuka egingo dute lan. Irakasleak, goizero, errutina bat egingo du:

-          Goizeko bileran, txoko bakoitzean landuko dutena zehaztu.

-          Errotazio arauak gogorarazi.

-          Ikasle bakoitzak bere txokoa aukeratzeko aukera eman.

-          Animatu, orientatu txoko bakoitzeko jardueretan.

-          Jarduerei buruzko eztabaida eta hausnarketa sustatzea.

PAPER ZORROA

Kurtsoa amaitzear dago eta bloga borobildu nahian, orain artekoari buruzko hausnarketa egitea oso egokia deritzot. 

Ikasgaia hasi nuenean, ez nuen oso argi zein izango zen jarraituko genuen prozedura, lanabesak, etab. Egia esan, eskoletara joateko aukera ez dugun ikasleontzat nahiko neketsua da ikasgaiak modu egokian jarraitzea eta askotan ibili ohi gara galduta eta noraezean. Ikasgai honen kasuan, zorionez, ez zait horrelakorik suertatu. Eskertzekoa izan da hasieratik oso argi izatea zein zen egin beharreko lana. Gainera, lan-prozedura oso eramangarria izan da. Irakasleak hainbat web-orri proposatu dizkigu eta guk gure kaxa landu ditugu. Ni, eskoletara joan ez naizenez, denbora libre pixka bat izan dudan bakoitzean, irakaslearen zerrenda hartu eta web-orri hauek ezagutzen jardun dut lauhileko osoa.

Web-orri horietako bakoitza lantzeko, ariketatxo bana gehitu dut nire blogean, baita, hausnarketa txiki bat ere:

• TAGUL
• WIKISPACE
• WISEMAPPING
• VUVOX
• GLOGSTER
• SLIDESHARE
• FLICRK
• SCRIB
• YOUTUBE/VIMEO
• PREZI
• PICASA
• GOOGLE DOCS

Programa hauetaz gain, beste sarrera batzuk ere gehitu ditut nire blogean. Horietako bat, sare sozialen inguruko hausnarketa izan da. Gaur egun, oso ohituak gaude sare sozialak erabiltzen, beraz, egokitzat jo dut bere egokitasunaren inguruan, sarrera bat gehitzea:

• SARE SOZIALAK

Hainbeste teknologia berri gora eta behera, nire azken sarreretako bat teknologia berrien egokitasunaren ingurukoa izan da:

• TEKNOLOGIA BERRIEN EGOKITASUNA

"Nuevas tecnologías en educación infantil. El rincón del ordenador". Rosalía Romero Tena-ren liburua irakurri dut. Bertan, ordenagailua gelako egunerokotasunean txertatzeko hainbat aholku proposatzen da. Beraz, liburuko gomendioak jarraituz, gelan ordenagailua txertatzeko jarduera bat proposatu dut:

• ORDENAGAILUA GELAN TXERTATZEKO JARDUERAK 

Azkenik, Jclick programa aurketu nahi izan dut nire blogean. Oso programa erraza da erabiltzen eta aukera ugari ematen digu gure eguneroko jarduerak prestatzerakoan:

• JCLICK

Besterik gabe, mila esker ikasgai honetan jasotako jakintza guztiengatik. Ikasgai honen bidez, teknologia berriek gure esku jartzen dituzten aukera guztien atea zabaldu zaigu eta, etorkizunean, benetan, oso erabilgarria izango zaiguka uste dut.

JCLICK

Eskolan landutako programez gain, nik beste programa hau ere landu dut: Jclick. Oso programa interesgarria da eta doakoa. 

Haurrekin, ordenagailu jarduerak lantzerakoan, aurki dezakegun arazoetako bat, gehienak erdarazkoak izatea da. Jclick programaren bidez, guk geuk prestatu ditzakegu ariketak. Beraz, gure ahotsa txertatzeko aukera ere ematen digu. Benetan erraza da erabiltzen eta nire ariketa ikustera gonbidatzen dizuet. Gogoratu, ariketa ikusi ahal izateko programa jaitsi behar duzuela lehendabizi: http://www.megaupload.com/?d=Y8LU7UZW

TEKNOLOGIA BERRIEN EGOKITASUNA

Teknologia berriak gure egunerokotasunean aurkitzen ditugu, edozein lekutara begiratuta ere. Beraz, ezin uka dezakegu gure haurrek teknologia berri hauek ezagutzeko eta erabiltzeko dagoen beharra. Hala ere, hausnarketa bat ezinbestekoa dela iruditzen zait. Izan ere, orain arte erabili ditugun programa guztia hauek: google docs, prezi, vuvoz, etab. gure bizitza errazteko oso baliabide erosoak dira. Baina aldi berean, hainbat arazo ere dakarzkigute.

Gure eskoletan, irakasle eta gainontzeko langile mordoa dago teknologia berriak erabiltzeko batere ohiturarik ez dutenak. Haientzat ordenagailu bat erabiltzea benetan arrotza da eta ez dute konfiantza nahikorik teknologia berriak modu eroso batean erabiltzeko. Baina errealitatea ere bada, gure eskoletan, gero apostu handiagoa egiten dela teknologia berrien alde. Beraz, hausnarketarako lehen puntua argi dago: ez al da beharrezkoa izango lehendabizi, gure langileek formazio egoki bat izatea?

Gainera, gure artean ere bagaude teknologia berriak ezagutzen joateko arazorik ez dugunak. Gustukoak ditugu eta ez dugu gauza berriak probatzeko beldurrik izaten. Baina guregan ere arazo bat badago. Egokia al da haurrekin denbora luzez teknologia berriak erabiltzea? ez dugu arriskurik honetan? zenbat denboraz landu beharko genituzke? Gainera, gaur egun, haurrak gelatik gero eta gutxiago ateratzeko joera dugu, erosotasuna eta arriskuak ekiditeko, nolabait. Beraz, joera nagusia haurrak fitxak betetzen jartzea izaten da. Teknologia berriekin, ez al dugu errealitatea are eta gehiago ordezkatzeko joerarik izango? Hau ere, benetako hausnarketarako puntua bada.

Teknologia berriek erronka handiak ekarri dizkigute eta guregan dago hauek modu egokienean erabiltzeko beharrezkoak diren lan egiteko moduak aztertzea.

TAGUL

Tagul programaren aukerak aztertzen aritu naiz. Hitzak edo testu oso bat jarri ondoren, hitzek guk aukeratutako web orrira eramango gaituzte. Nik haurrek animaliak ezagutzeko irudia sortu dudanez, nire linka google-ko irudi-bilatzailea izan da. Horrela, haurrak animalia bakoitzari dagokion irudia ikusi ahal izango du.

Sare sozialak

Sare sozialen inguruan, luze hitz egin daiteke. Sare sozialek gainontzeko aukera askok bezala, alde oso onak dituzte baina, alde txarrak ere oso kontutan hartu beharko genituzke. Ni adibidez, Facebookeko partaide naiz. Ez dut astirik izaten bertan sartzeko eta ohiko lagunekin, email bidez izaten dut harreman gehien. Baina, hala ere, oso baliagarria izan zait nire unibertsitate-garaiko gelakideak aurkitzeko, adibidez. Ikasketak, Suedian amaitu nituen eta hango jende askorekin harremana ia galdua nuen. Beraz, Facebooka zabaldu nuen haiek bilatzeko. Emaitza benetan pozgarria izan da. Haien seme-alabak adibidez, Facebookeko argazkien bidez ezagutu ditut.

Elkarrikertuz ere oso baliabide erabilgarria izan daiteke gure gelakideek egindakoa ikusteko. Beraz, informazioaren elkarbanatzea asko errazten du eta hau ere oso komenigarria eta beharrezkoa zaigu.

Gure haurrak teknologia berriez inguratuta bizi dira eta hori ezin dugu ukatu. Beraz, egokiena izango litzateke hauek modu egokian erabiltzen irakastea. Ez du zentzurik teknologiak debekatzea hauek arriskutsuak izan daitezkeelako. Haurrak gai izan behar dira momentu bakoitzean erabakitzen zer den egokia berarentzat eta zer baztertu. Eta hemen dago, gehien bat, irakasleon erronka.

WIKISPACE

Wikispacen izena eman eta gero, nire wikia sortu dut . Wiki honen bidez, haur hezkuntzan teknologia berriak erabiltzearen inguruko testu bat sortu nahi izan dut. Irekia da, beraz, edozeinek bere ekarpenak gehitu ditzake bertan. Oso erosoa da talde lanak egiteko. Horrela, taldeko partaide bakoitzak gainontzekoen lana irakurtzeaz gain, hau aldatu eta berea gehitu ahal izango du.

WISEMAPPING

Wisemapping-ren aukera ezberdinak lantzen egon naiz. Mapa kontzeptualak egiteko nahiko metodo egokia dela uste dut. Aukera ugari ematen du. Irudi txikiak ere gehitu daitezke. Kontzeptu bakoitzean, interneteko linkak txertatzeko aukera ematen du, baita ere. Beraz, nire kasuan, youtubeko abesti bat jartzea erabaki dut.

Nire lana astegunen ingurukoa da. Gustukoa izango zaizuela espero dut.

VUVOX

Gaur Vuvox programa erabiltzen aritu naiz. Gaia Jaume Plensa izan da. Plastikan landu dugun egile bat da eta bere lana benetan interesgarria da.

Vuvoxek aukera oso politak ematen dizkigu. Movie maker programaren antzekoa dela uste dut. Vuvox-en ere, argazkiak bideo modura antola daitezke, bata bestearen atzean kokatuz. Emaitza ona izan da. Hemen txertatu dut zuek ikusi ahal izateko.

GLOGSTER

Gaur Glogster programaren aukerak lantzen aritu naiz. Oso interesgarria da, izan ere, oso poster politak egin daitezke. Testua eta argazkiak txertatzeaz gain, bideoak ere jar daitezke. 

Musikako irakaslea naiz eta poster ugari egiten dugu gelan. Beraz, hemendik aurrera, power point erabiltzeaz gain, beste aukera hau ere erabili ahal izango dugu. Posterrean erabili dudan gaia Donna Summer izan da. Izan ere, nire ikasleekin orain landu berri dugu abeslarietako bat da. Abeslari oso famatua izan zen 70. hamarkadan eta gaur egun ere, bere abestiak ezagunak zaizkigu.

SLIDESHARE

Web atari honetan, zure izena eman ondoren, nahi adina lan igo ala jaitsi dezakezu. Informazio ugari dago bertan. Euskarazko aurkezpen mordoa ere aurkitu dut,  zenbakiak lantzeko, adibidez. Oso erabilgarria da zeren eta lan hauetako batzuk hobe daitezkeen arren, zuk zeuk egin dezakezu. Hau da, interesa zaizun lana jaitsi ondoren, zuk nahi dituzun aldaketa guztiak egin ditzakezu. Adibidez, beheko lehen helbidean, haurrek zenbakiak lantzeko jolas txiki bat dugu. Oso polita da baina ez du ahotsarik. Beraz, egokia izan daiteke ahotsa guk geuk txertatzea. Beheko bigarren helbidea, aldiz, dagoen bezala erabiltzeko oso egokia dela uste dut.

ttp://www.slideshare.net/amaiaretxabaleta/zenbakiak-lantzen

zenbakiak lantzen

View more presentations from Amaia

http://www.slideshare.net/guest2db265/zenbakiak-lantzeko-ppt-aurkezpena

Zenbakiak lantzeko PPT aurkezpena

View more presentations from guest2db265

FLICRK

Yahoo-ren aplikazio bat da. Picasaren antzeko aukerak ematen dizkigu bideo eta argazkiak partekatzea aldegia. Baina, Flicrk Picasa baino osatuagoa da. Izan ere, Facebook-aren antzeko egitura bat ere badu. Hau da, zuk taldeak sor ditzakezu edo dagoeneko sortuak daudenetan sartu. Aldi berean, lagunei gonbidapenak bidaliko dizkiezu zure taldean sartzeko. 

Beraz, esan bezala, Flicrk aplikazio honen helburua argazki eta bideoak partekatzea da baina Facebook-ak duen egiteko moduaren arabera.

SCRIB

SCRIB nahiko programa erabilgarria iruditu zait. Izan ere, informazio osatua aurki daiteke bertan. Nik ordenagailua gelan txertatzeko ipuin bat igo dut bertara. Modu ezberdinetan egin daiteke. Nik modu pribatuan egin dut. Beraz, helbide zehatza jasotzen dutenek bakarrik ikusi ahal izango dute. Gainera, deskargatzeko aukera ere eman dut. Beraz, irakasleek gelan zuzenean erabili edo eraldatu ere egin dezakete. Hemen beheran power point txertatu dudan arren, gomendatzen dizuet, scrib-en sartzea eta power pointa bere hortan jaistea. 
http://es.scribd.com/doc/53182877/ordenagailua-txertatzeko-ipuina?secret_password=3x7mc074q1fvd3x6y92 
Izan ere, power pointaren hainbat soinu ez da bereizten hemengoan.

ordenagailua txertatzeko ipuina

Ordenagailua gelan txertatzeko jarduerak

"Nuevas tecnologías en educación infantil. El rincón del ordenador". Rosalía Romero Tena-ren liburua irakurri dut. Bertan, ordenagailua gelaren egunerokotasunean txertatzeko hainbat aholku proposatzen da. Liburua nahiko interesagarria da. 

Ordenagailua gelan txertatzeak beti izan behar du helburu zehatz bat. Ordenagailuaren erabilerak unitate didaktikoaren garapena hobetzeko tresna izango da. Beraz, helburu didaktikoak ere jarraitu beharko ditu.

Liburu honetan, hainbat proposamen ezberdin dago ordenagailua gelan txertatzeko. Haietako bat ipuinaren bidezkoa da. Beraz, nik ere ipuin bat sortu dut. Nire ipuinak power point itxura du. Ipuina irakasleak berak kontatuko die haurrei. Hainbat soinu txertatu dut. 

Ipuinaren amaieran, haurrek saguarekin praktikatzeko ariketa sinple bat gehitu dut. Ariketa honen bidez, haurrak ordenagailuaren atal nagusiak bereizten ikasiko du.

Liburuan azaltzen den bezala, oso garrantzitsua da haurra errefortzu positiboz inguratzea bere motibazioa handitzeko. Beraz, ariketa honetan ere soinuak txertatu ditut. Ipuina Scribd-era igo dudanez, hurrengo atalean dago.

Youtube / Vimeo

Youtube askotan erabiltzen dut nire egunerokotasunean. Bigarren Hezkuntzako musika-irakaslea izanik, youtube benetan baliagarria zait. Bideoklip ugari hartzen dugu bertatik. Batzuetan, txirulako abestiak ere bertatik hartzen ditut. Karaoke moduko abestiak ere ugariak dira bertan.

Youtuben ez dut inoiz ezer igo, beraz, gaur erabaki dut lehenengo aldiz probatzea. Plastikako ikasgaiarako prestatutako bideoa igo dut. Modu pribatu batean igo dudanez, helbide elektronikoa beharrezkoa da ikusi ahal izateko

Vimeo weborrian ere ikus ditzakegu bideoak. Nik ohitura handiagoa dut Youtube erabiltzen baina, batzuetan, Youtuben aurkitu ez dituda bideoak Vimeon topatu ditut. Beraz, egokia da Vimeo ere erreferentziatzat izatea.

Prezi

Preziren aukerak aztertzen aritu naiz. Ez nuen programa hau aurretik ezagutzen. Egia esan aurkezpenak Power Pointean baino dinamikoagoak direla pentsatzen dut. Programarekin praktikatzeko, ariketa txiki bat egin dut ea gustukoa dezuen. 
http://prezi.com/piw6j980wy8y/edit/#0_4666532

Animaliak on Prezi

Picasa

Googlek eskaintzen digun beste aukera Picasa aplikazioa da. Honen bidez, argazki-albumak sor ditzakegu eta guk aukeratutako lagunek argazki-albuma ikusteko gonbidapena jasoko dute. Albuma guk nahi dugun bezala antolatuko dugu. Froga egin dugu eta benetan azkarra da. Beraz, argazkiak partekatzeko oso erabilgarria izan dakiguke.

Google Docs

Google bilatzaile bezala erabili dut betidanik. Hala ere, ez nuen Google Docs aplikazioa ezagutzen. Aplikazio honen bidez, guk nahi dugun edozein testu argitara dezakegu. Gainera, guk aukeratuko dugu nork irakurri edo-eta aldatu ahal izango duen. Beraz, oso baliagarria izango zaigu, adibidez, hemendik aurrera taldetan egin behar ditugun lanak arintzeko. Orain arte, emaila erabili izan dugu eta Google Docs-ek lana asko erraztuko digu.

Gainera, testuez gain, bideo eta argazkiak ere parteka ditzakegu. Beraz, benetan, aukera paregabea da informazioa elkartrukatzeko emailarekin bueltaka ibili gabe.

Bloga sortu

Teknologia berrien ikasgaia hasi nuenean, beldurtu samar nengoen irakasleak blog bt idatzi behar genuenean esan zidanean. Ordenagailua askotan erabiltzen dut, baina sekula ez dut blogik idatzi. Hasieran, nahiko mesfidati hasi nintzen. Ez nuen argi nola egin behar nituen gauzak. Baina, gero eta hobeto ikusten dut neure burua gai honen inguruan. Blogaren diseinuan denbora handia igaro dut baina, azkenean, nire gustuko orria diseinatu ahal izan dut eta horrek benetan poztu nau.

Bloga sortzeko egin behar izan dudan lehen urratsa gmail-en kontu bat sortzea izan da. Oso prozesu erraza izan da.

Hau da nire lehen bloga

Ea zer moduzko emaitza lortzen dudan...